इण्डोनेसियामा ६२ यात्रु बोकेको विमान उडेको केहिबेरमै समुद्रमा खस्यो

काठमाडौं। इण्डोनेसियामा ६२ जना यात्रु बोकेको बोइङ सेभेन थ्री सेभेन विमान दुर्घटना भएको छ । राजधानी जकार्ताबाट पश्चिमी कालिमान्तन प्रान्तका लागि ६ बालबालिकासहित ५६ यात्रु र ६ जना चालकदलका सदस्यसहित उडेको उक्त विमान उडेको केहिबेरमा नै समुद्रमा खसेर दुर्घटनाग्रस्त भएको हो ।विमान समुद्रमा खसेको र केही यात्रुले तैरने प्रयास गरे पनि बचाउन नसकेको अधिकारीहरुले जनाएका छन् । विमान १ मिनेटको अन्तरमा १० हजार फिट तल झरेको थियो । विमानस्थलबाट २० किलोमिटर टाढा दुर्घटनामा परेको विमान भीषण बर्षाका कारण निर्धारित समयभन्दा आधा घण्टा ढिला उडेको थियो ।बोइङ ७३७–५०० मोडलको उक्त विमान २७ वर्ष पुरानो हो । उड्डयन सुरक्षा रेकर्ड तुलनात्मक रुपमा कमजोर रहेको इन्डोनेशियाका विमान सेवाहरूलाई एक दशकभन्दा बढी समयसम्म यूरोपमा प्रतिबन्ध लगाइएको थियो । एजेन्सी

सम्बन्धित समाचार

Back to top button
Close

Adblock Detected

Please consider supporting us by disabling your ad blocker